على العكس من بعض الكلام الموجود عالإنترنت أو الجرايد، وفي موضوع بدائل السكر أو المحليات متل السكارين والسبلندا والسويت آند لو، فالصحيح إنو ما في دليل علمي موزون يثبت إنها بتسبب السرطان. عموماً المحليات آمنة لكن بالنسبة للأسبارتيمaspartame فالناس اللي عندهم مرض الفينيل كيتون يوريا PKU, phenylketonuria لازم يقللوا منه أو ما ياخدوه بالمرة، لأنه صعب علي جسمهم يكسر ويتخلص من أحد مكونات الأسبارتيم إسمه فينيل ألانين phenylalanine. وأحياناً المحليات ممكن تسبب اضطراب بالأمعاء وفي هدي الحالة وقفوا تناولها.
تزكروا إنه المحليات ما في منها أي فايدة صحية غذائية، وممكن تخليكم توقعوا بالفخ وتاكلوا كميات كبيرة من مأكولات فيها سعرات حرارية كتيرة مع إنها فيها محليات مش سكر عادي، وتسببلكم السمنة. مثلاً، البوظة مليانة سعرات حتى لو كان فيها محليات مش سكر عادي. متل هيك أكلات أو حلو ما فيها فايدة لأجسامكم لكن ممكن تشبعكم وما تخليكم قادرين أو حابّين تاكلوا أكل مغذي صحي. النتيجة حرمان أجسامكم من فوايد مركبات تانية موجودة في الأغذية الطبيعية الصحية متل الألياف ومضادات الأكسدة والأملاح المعدنية والفيتامينات.
اكتشاف المزيد من مشوارِك مع صحتِك
اشترك للحصول على أحدث التدوينات المرسلة إلى بريدك الإلكتروني.