اذا كنت من سكان عمّان زيّي رح تعرفي قديه لزيز فنجان كاكاو سخن في الأيام اللي زي هالصباح. الحرارة واحد تحت الصفر بالليل وصوت الريح صحى ناس من نومهم. سلمى نباتية تقريباً بس بتحب الحليب وهاي وصفة للكوكو cocoa السخن من جرار مطبخها.
المقادير
معلقتين كبار پودرة الكاكاو
معلقة او تنتين كبار سكر يعني على خاطرك
رشة ملح
فنجان حليب او ممكن تخلطي حليب وكريمة ازا بتحبي
ربع معلقة زغيرة ڤانيلا.
الطريقة
أخفقي الكاكاو والسكر والملح ومعلقتين كبار من الحليب مع بعض في طنجرة وغيرة على نار بين الهادية والوسط لحد مايدوب الكاكاو والسكر. اخفقي باقي الحليب على نار وسط وضلي اخفقي بين الحين والتاني لحد مايسخن الحليب مزبوط. ضيفي الڤانيلا واشربيه أو قدميه. ازا بتحبي الكوكو برغوة بتقدري تخفقيه بعد مايخلص بالبلندر blender.
زيدي الكميات على قد حبايبك. بس اضربي كمية المقادير بتنين لشخصين وتلاتة لتلات اشخاص وهكذا. ولما توصلي لتر حليب استعملي ربع معلقة زغيرة ملح.
للمزيد من وصفات سلمى اضغطي على صفحة سلمى نباتية تقريباً في المنيو فوق.