في الشتا مين بيقدر يقول “لأ” للأطباق اللي بتنقط سكر. يوم الحساب قرب طبعاً فالربيع دق الجرس واحنا فتحنا الباب وابتسامة اهلاً وسهلاً الكبيرة بتنافسها بس الأرقام المش جذابة عالميزان. أكيد الليالي الباردة ما اختفت وتنكات السولار لسة بتتمختر بشوارع أحياءنا في عمّان مشغولة بتعبّي خزانات البيوت وبتدفي غرفها وسكانها. أما سلمى فاليوم بدها تدفيكم بوصفة مناسبة لهادي الليالي، أكلة بتجمّع أهل البيت وبتدفّي عضمهم. كنت افكر ان حلاوة سميد أكلة غزاوية بس يمكن الأصح انها أكلة بيوت فلسطينية وبيوت عمّانية عمرانة بدفى أهلها ومحبتهم.

المقادير
للقطر

٦ اكواب ماء

٢,٥ كوب سكر

للسميد 

كيلوغرام سميد

كوب زيت ذرة

٢٥٠ غرام جبنة نابلسية محلاة بنقعها بالماء الدافئ لمدة ساعتين

١٥٠ غرام لوز مقشر ومكسر

الطريقة

القطر: امزجي السكر مع الماء على نار عالية وحركي باستمرار حتى يذوب السكر ثم يصل الماء الى الغليان. بعد ان يغلي لمدة دقيقة ارفعيه عن النار.

السميد: سخني الزيت في طنجرة متوسطة الحجم.
– اضيفي السميد وحمصيه بدون توقف حتى يصبح لونه بني فاتح. احرصي على ان لا يحترق.
– اضيفي القطر تدريجياً على السميد واحرصي على ان لا يتناثر القطر في وجهك بسبب حرارة السميد.
– اضيفي الجبنة الحلوة الى السميد والماء.
– استمري بتحريك السميد حتى يشرب القطر بأكمله ثم إرفعيه عن النار.
– انقلي حلاوة السميد الجاهزة الى جاط التقديم.
– حمصي لوز مقشر مكسر وانثريه فوق حلاوة السميد.